طريقة بطاطس محشي مش كتير يعرفوها، “ألو شيف” بقى هايقول لك عليها، جيبي يلا حلة وحطيها على نار متوسطة وضيفي فيها الزيت النباتي، ولما يسخن إقلي البطاطس وقلبيها على كل جنب وارفعيها من الزيت في طبق بعد لما تتحمر.
تعالي دلوقت نحضر الحشو، انزلي بالزبدة في مقلاية على نار متوسطة وضيفي البصل وقلبيه لغاية لما يذبل، بعدها انزلي بالمفروم استمري في التقليب لغاية لما اللحمة يتغير لونها، وبعدين ييجي دور التوابل الملح والفلفل الأسود وقلّبي بقى الخليط ده كويس.
ضيفي عصير الطماطم لخليط حشوة اللحمة وخليها لما تغلي على نار متوسطة لمدة 5 دقائق لغاية لما تلاقي قوام الصلصة بقى سميك، ارفعي المقلاية من على النار وضيفي جوزة الطيب وكمان تقليبة حلوة وخلي الحشو لما يبرد.
قبل ما تبدأي حشو البطاطس سخني الفرن على درجة حرارة 200 ولغاية لما يسخن إحشى بقى البطاطس المقلية بخليط حشوة اللحمة ورصي كل الكمية بعد حشوها في صينية ودخليها الفرن 10 دقائق لغاية لما الوش يتحمر ويبقى لونه ذهبي رائع .. قدميها على السفرة زي ما هي.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
