في مقلاية كبيرة على نار متوسطة، سخني الزيت اللي اختارتي تعملي بيه أكلتك، لما يسخن ضيفي البصل المفروم وقلبيه لغاية ما يبقى لونه شفاف وريحته ممتعة، بعدها ضيفي الثوم المهروس والزنجبيل المبشور وقلبيهم لمدة دقيقة.
جيبي بقى الكاري البودرة مع الكمون مع مسحوق الكزبرة والكركم والفلفل الأسود وضيفيهم في المقلاية وقلبي كل المكونات دي لمدة دقيقة كمان، ننزل بقى على الخليط ده بقطع الفراخ وقلّبي كويس لغاية لما الفراخ تتغطى بالتوابل وتتحمص شوية.
ضيفي بقى حليب جوز الهند والمية للمقلاية وارفعي الحرارة ما بين متوسطة وعالية، ولما الخليط يغلي قلّبي المكونات مرة تانية وخلي النار متوسطة وسيبيها تغلي لمدة 20-25 دقيقة أو لغاية لما الفراخ تستوي والصوص يبقى سميك، وبطرف لسانك كدة اختبري الوصفة وظبطي الملح حسب رغبتك.
قبل التقديم، ممكن تضيفي ورق الكزبرة بيدي نكهة إضافية، وممكن تزيين الطبق بشرائح الليمون، واستمتعي بوجبة دجاج الكاري اللذيذة على الطريقة الماليزية.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
