لو مستعجلة وعايزة تعملي أكلة حلوة وسريعة، قومي يلا جيبي ربع اللحمة المفرومة وعصجيها بالطريقة العادية، حطي البصل في معلقة سمنة ونزلي اللحمة وقلبيهم وعليهم التوابل وخليها تستوي تماماً ونطفي عليها ونخليها على جنب.
نروح بقى نعمل الرز بالطريقة المعتادة اللي كلنا عارفينها، ونسيبه يستوي براحته على النار، وفي الوقت ده نشوح البسلة في مقلاية فيها معلقة سمنة وبصل ونزود عليها شوية صغيرين مية مغلية ونسيبها على النار لغاية ما تستوي.
خلصنا كل الخطوات المهمة؟ تعالي بقى ضيفي البسلة على اللحمة وبعدين نغرف الرز وفوقه اللحمة بالبسلة والمكسرات .. وكدة خلّصنا!
تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
