مش هاتحتاري تطبخي إيه النهاردة طول ما فيه “ألو شيف”!
اختارنا لك وصفة العروك العراقية عشان كلها فوائد للجهاز الهضمي غير طعمها العظيم اللي هايجدد يومك.
انقعي البرغل والسميد في ماية مغلية لمدة ساعة ونص، بعدها صفيهم كويس وضيفي عليهم رشة ملح ورشة فلفل أسود ومعاهم الفلفل الرومي المتقطع، وبعدها اعصري البصلة المفرومة وضيفي عصير البصل لخليط البرغل والسميد وقلبيهم كويس.
يلا بقى نتبل اللحمة المفرومة .. هاتضيفي الباقي من الملح والبهارات المشكّلة والفلفل للحمة المفرومة، وعليهم البصل المبشور ومعجون الطماطم، وحرّكي المكونات دي كويس لحد لما اللحمة والتوابل يتخلطوا كويس.
حضري بقى صينية متوسطة الحجم وادهنيها بزيت الزيتون وافرشيها بطبقة متوسطة من خليط البرغل والسميد، وبعدها ضيفي طبقة لحمة مفرومة فوق طبقة البرغل وكرري الخطوات دي، وفي اخر طبقة اخلطي البرغل والسميد بخلطة اللحمة المفرومة.
وفي الآخر دخلي الصينية في فرن مسخن على درجة حرارة 180 لغاية لما تستوي، وعلى الطريقة العراقية قدميها متقطعة زي البقلاوة .. وبالهنا والشفا عليكي يا شيف.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
