يلا بينا نحضر مقلاية ونحط فيها شوية زيت ونرمي فيه البصلة ونقلبها لغاية ما تتحمر، ضيفي عليها الجزر المقطع واستمري في التقليب وانزلي بالمشروم والفلفل المقطع والذرة الحلوة وياخد الخليط ده تقليبة كويسة وبعدها حطي كل البهارات على الخلطة دي وقلبيها كويس لمدة دقيقة.
ضيفي الطماطم ومعجون الطماطم وكرر التقليب دقيقة كمان وغطي المقلاية وخلي الخليط يستوي لمدة ربع ساعة تقريباً، وبكدة نكون خلصنا الحشو.
يلا نعمل البشاميل؟ حضري مقلاية تانية وحطي فيها الدقيق والحليب على نار متوسطة وقلبيهم لغاية ما يبقى القوام كريمي ونقفل النار، حطي ملح وفلفل واديهم تقليبة حلوة لتوزيع الملح والفلفل.
جيبي صينية وحطي كمية قليلة من البشاميل وفوقه شرائح لازانيا وفوقه طبقة خضار، ونحط طبقة تانية من البشاميل وفوقها شرائح لازانيا وفوقها طبقة خضار، وكرري عمل الطبقات دي لغاية ما تبقى أربع طبقات، وتغطي كل حتة في وش الصينية بالبشاميل وعليها طبقة موزاريللا، غطي الصينية بورق الألمونيوم ودخليها الفرن لمدة 30 دقيقة. إيطالي أصلي!
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
