في طبق عميق نجيب اللحمة المفرومة ونخلطها مع البصل المفروم، والبقدونس، والصنوبر، والملح، ونعجن الخليط كله كويس لغاية ما نلاقي البهارات والتوابل مع اللحمة بقوا واحد.
نبدأ بقى بتشكيل اللحمة المفرومة على شكل صوابع أو دوائر متوسطة الحجم ومتساوية، وبعدها نسخن كمية من الزيت في مقلاية ونحط فيها قطع الكباب، أهم حاجة نقلبها من وقت للتاني عشان تتحمر من كل الجوانب.
نيجي لمرحلة مهمة، هاننقل قطع الكباب المقلية لصينية عشان ندخلها الفرن، وفي المقلاية نفسها هانقلي شرائح البصل لغاية ما تبقى لونها ذهبي، وننزل بيها فوق صينية الكباب، وبعدها عصير الطماطم ونوزع كويس على قطع الكباب وعلى كل أركان الصينية.
نجيب طبق فيه مية دافية ونذوب معجون الطماطم وننزله على الصينية مع كمية من الملح والفلفل الأسود (حسب الرغبة) ودي آخر مرحلة قبل ما نحط الصينية في الفرن لمدة من 45 دقيقة لساعة تقريبًا.
تعليمات:
– يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
