طبعاً زي أي أكلة فيها لحمة مفرومة وتتبيل لازم تحضري طبق عميق وتخلطي فيه اللحمة مع البقدونس والملح والبصل والفلفل الأسود والفلفل الأخضر والكمون.
إعجني اللحمة مع التوابل والبهارات كويس لغاية ما تبقى متماسكة وغطي الطبق وحطيه في الثلاجة حوالي ساعتين، بعدها اعملي اللحمة المفرومة صوابع سميكة وطويلة ورتبيها في صينية مفرودة تكون مدهونة زيت.
بس يا ستي! دخلي بقى الصينية في الفرن حوالي 30 دقيقة تقريباً أو لغاية ما الكباب يستوي وماتنسيش تقلبي صوابع الكباب كل شوية عشان تتأكدي إنها استوت تماماً.
على فكرة .. ممكن نفس المكونات دي تشويها عادي على شواية كهرباء أو على الفحم بس ماتنسيش الأسياخ.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
