أكلة سهلة وطعمها حلو جداً … في طبق عميق حطي كل كمية اللحمة المفرومة وانزلي عليها بالبصل المفروم والملح والفلفل الأسود واعجني كل الخليط ده كويس جداً، وبعدين تاخدي كل كمية الكفتة تشكّليها كرات أو صوابع في صينية مفرودة ولما تخلصي ابدأي قلي الكباب في مقلاية حامية فيها معلقتين الزيت.
مهم تخلي الكباب يادوب ياخد لون على الجنبين وقت القلي، وارفعيه من على النار في طبق وخليه على جنب، هدي النار على نفس المقلاية، ونبدأ بقى نعمل صوص الكاري، إنزلي بالثوم والزنجبيل وأول لما تشمي ريحة الثوم ضيفي صلصة الطماطم وقلبيهم، وبعدين تحطي الكاري وكريمة الطبخ وتقلّبي تاني عشان تدمجي كل خليط ويطلع صوص رائع.
إنزلي بقى بالكباب على الصوص وإديهم تقليبة حلوة وخليهم على نار هادية لمدة 10 دقائق، هاتشمي ريحة خطيرة وطعم لا يقاوم .. سهلة ولذيذة ومافيش أحلى من كدة.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
