الأكلة دي غير أي أكلة سمك فيلية تقليدية، جيبي يلا قطع العيش التوست وحطيها في الخلاط وعليها زيت الزيتون والملح والفلفل الأسود واضربيهم لغاية ما يبقوا بودرة، ناخد بقى الخليط ده ونفرده في صينية ونخليه في فرن سخن 15 دقيقة وكل شوية قلبيه عشان يتحمص كويس ويبقى لونه ذهبي.
طلعي بقى الصينية ولما العيش التوست يبرد حطيه في طبق عميق وعليه الريحان والبصل واخلطيهم ببعض وخلي الطبق على جنب.
سخني الفرن على درجة حرارة 220، وفي طبق تاني اضربي البيض مع المايونيز مع البابريكا كويس أوي، وضيفي عليهم 5 معالق دقيق وقلبيهم تاني وخلي الطبق جنب طبق التوست.
نروح بقى للسمك، نوزع الملح والفلفل على كل جنب لقطع الفيليه، ونجيب ربع كوباية دقيق نحطها في طبق ونمرغ فيها قطع الفيليه ونهزها في الهوا عشان تنزل الدقيق الزيادة، ونغطسها في خلطة البيض وفي الآخر نمرغها في خليط التوست ومهم قطع الفيليه تتغطى بطبقة سميكة.
رصي بقى قطع السمك بعد ما عملناها كلها زي الخطوة اللي فاتت، في صينية مبطنة بورق فرن ونخليها في الفرن اللي سخن كويس لمدة 20-25 دقيقة، وطلعي الصينية بعدها وقدمي الفيليه المقرمش اللذيذ.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
