الفلفل المحشي بالمشروم تعتبر وصفة شهية جداً وسهلة وكمان سريعة، يلا جيبي حلة وحطي فيها الزيت على نار متوسطة، وضيفي الثوم والبصل وقلبي لغاية لما لونهم يذبل، بعدها إنزلي بالمشروم والذرة واديها تقليبة تانية.
لما لون المشروم يتغير ييجي دور الطماطم المقطعة وقلبيهم كلهم وخليهم على النار 7دقائق لغاية لما يستووا تماماً، رشي بقى شوية ملح وفلفل وضيفي البقدونس، واستمري في التقليب دقيقة وارفعي الحلة من على النار.
بسرعة انزلي بميكس الجبنة الموزاريلا والشيدر وقلبيهم، وابدأي بقى في حشو كل نص فلفلة بالخلطة ورصيهم فى صينية فرن، رشة ملح وفلفل صغيرة على عصير الطماطم وصبيه على وش الفلفل.
غلفي الصينية بورق القصدير ودخليها الفرن في درجة حرارة 180 درجة لمدة 35 دقيقة لغاية لما تستوي، وبعدها ارفعي ورق القصدير ورجعيها الفرن عشان تاخد لون ذهبى كدة يفتح النفس وزينيه بقى بالبقدونس .. وصحة وعافية.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
