الأحلى من إنك تعملي طبخة سريعة وطعمها حلو إن عيلتك تحبها ويطلبوها منك دايمًا! يلا يا شيف أطلبي الطبخة عشان هاتطبخي النهاردة فتة باذنجان باللحمة المفرومة.
في مقلاية زيت، إقلي الباذنجان وبعده إقلي العيش اللبناني وارفعيهم وسيبيهم يتصفوا على مناديل مطبخ عشان مايشربوش الزيت ..
وعلى مقلاية تانية هانحمر البصل المفروم، ونضيف اللحمة المفرومة وشوية ملح ونقلّبهم لحد ما اللحمة تستوي.
اخلطي معجون الطماطم والماية والليمون والملح مع بعض في مقلاية كبيرة وبعد الغليان خليهم على النار 5 دقائق، وبعدها انزلي عليهم بالباذنجان المقلي وسيبيهم يغلوا لمدة 15 دقيقة وزودي عليهم شوية ماية.
هاتحضري مكوناتك اللي خلصت عشان نرصهم في طبق التقديم (خليط الباذنجان، واللحمة المفرومة، والعيش اللبناني، وخليط اللبن الرايب مع الثوم المهروس) وكمان المكونات اللي هانزين بيها زي الصنوبر والبقدونس.
وفي طبق تقديم بايركس رصي العيش المقلي وضيفي عليه من فوق طبقة من خليط اللبن الرايب، وبعدها خليط الباذنجان كله، وبعدين طبقة تانية من خليط اللبن الرايب، وزيني الوش بالصنوبر والبقدونس .. وبالهنا والشفا!
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
