حطي الزيت في مقلاية عميقة وسخنيه على نار عالية، وبعدها نزلي فيه الباذنجان لما يتحمر ارفعيه من الزيت وحطيه على ورق مناديل مطبخ عشان يصفي الزيت.
في حلة ضيفي معلقتين الزيت النباتي وعليهم البصل، والثوم المهروس على نارٍ متوسطة، وقلبيهم لغاية لما لونهم يتغير ويبقى ذهبي، بعدها ضيفي عليهم اللحمة المفرومة، والبهار المشكّل، والملح، والفلفل الأسود، ورشة الحبهان، وتقليبة حلوة لغاية لما لون اللحمة يتغير والماية تنشف.
إرفعي الحلة الي فيها اللحمة من على النار ولما تبرد ابدأي حشو الباذنجان المقلي باللحمة وحطيه في حلة عميقة.
إخلطي بقى عصير الطماطم مع معجون الطماطم وشوية ملح قليلين في طبق، وصبي فوق المحشي الصوص ووزعيه على الباذنجان بالكامل، وأخيراً اقفلي الحلة وحطيها على نار متوسطة حوالي 20 دقيقة.
لما تستوي ماتنسيش تزيني الطبق بالمكسرات المقلية وورق البقدونس .. شكلها بيبقى حاجة كدة آخر عظمة.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
