فيليه البكالاه المشوي مع الصلصة الحارة وصفة لذيذة وطعمها روعة ومش هاتاخد منك أكتر من 20 دقيقة تحضير، نبدأ بتحضير الصلصة؟ يلا بينا ..
سخني زيت الزيتون في حلة صغيرة وانزلي بالبصل والثوم لغاية لما البصل يذبل، ضيفي بقىالهالابينو والشبت واستمري في التقليب نص دقيقة كدة وبعدها حطي عصير الطماطم وصلصة التاباسكو مع التقليب لمدة نص دقيقة.
ضيفي الطماطم المبشورة على المكونات وخلي الخليط يغلي لمدة 10 دقائق مع التقليب كل شوية لغاية لما الصلصة تبقى سميكة، وأخيراً نضيف الملح والفلفل ونقلب تقليبة حلوة وبكدة خلصنا الصلصلة.
نيجيبقى لتتبيل السمك، سخني الفرن قبل أي حاجة على درجة حرارة 180، افردي بقى شرائح السمك في صينية فرن وادهنيها بزيت الزيتون ورشي عليها الملح والفلفل، دخلي الصينية الفرن لمدة 10 دقائق، وبعدها طلعيها وصبي الصلصة فوق السمك ورجعيها الفرن تاني وخليها 10 دقائق.
قدمي بقى الطبق الممتع ده وزيني السمك برشة بقدونس مقطع صغير لو حبيتي، وألف صحة وعافية.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها.
|
