الأكلة برعاية “ألو شيف” .. يلا بينا نسخن الفرن على درجة حرارة 200 قبل أي خطوة، هاتي بقى السمكة واغسليها كويس ونشفيها بورق المطبخ، وبالسكينة اعملي شقوق صغيرة على الجلد في كل جنب.
في طبق صغير اخلطي عصير الليمون، زيت الزيتون، الثوم المهروس، الملح، والفلفل، وافرشي الخليط ده على السمكة بفرشة مطبخ جوة وبرة، بعدها رتبي شرائح البطاطس في صينية فرن وبطريقة متساوية، وحطي السمكة فوق البطاطس.
رشي بقى السمكة بعصير الليمون وكمان البقدونس والشبت لو حبيتي، وغطي الصينية بورق الألومنيوم ودخليها الفرن اللي المفروض يكون حامي، وخليها تاخد وقتها في الفرن لمدة 20-25 دقيقة، وبعد الفترة دي ارفعي ورق الألومنيوم ودخليها تاني الفرن لمدة 10-15 دقيقة كمان عشان السمكة تاخد قرمشة والبطاطس تتحمر.
ولما تيجي بقى تقدمي الطبق، حطي الليمون الشرائح على جوانب السمكة منها زينة ومنها زيادة للنكهة واستمتعي بوجبتك اللذيذة!
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
