رغم إنها سهلة في التحضير، لكنها وجبة خفيفة ومفيدة لأفراد أسرتك .. حطي كمية قليلة من الزيت في المقلاية وحمّري فيه شرائح السمك تحمير بسيط، وخرجيه من الزيت وخليه على جنب.
في مقلاية تانية نزلي البصل في شوية بسيطة من زيت وقلبيه لغاية لما يذبل، وبعدين ضيفي له الثوم وشوحيهم سريع كدة قبل ما تحطي الملح، والفلفل الأسود، والبهارات المشكّلة، والكمون.
في صينية مفرودة، نزلي كل الخليط الخطير ده وعليه شرائح السمك وخلي كله على النار 5 دقائق ياخد تسوية وبعدها ضيفي عصير الطماطم والفلفل الحار ودخلي الصينية فرن سخن لمدة 15 دقيقة.
قدمي السمك وضيفي من فوق رشة بقدونس مفروم وشبت و ليمون للتزيين وبكدة يكون السمك جاهز للتقديم.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
