نبدأ نعصج اللحمة المفرومة، في مقلاية انزلي بملعقة سمن وعليها البصلة وقلبيها لغاية لونها ما يتحول للذهبي، ضيفي الثوم وقلّبي تاني، جيبي بقى اللحمة المفرومة ونزليها في المقلاية وقلبيها لغاية لما تغير لونها، وبعدها ضيفي الفلفل الأسود والملح والبهارات وياخدوا تقليبة كويسة لمدة 10 دقائق.
يلا بقى سخني الشوربة وخليها متوسطة الحرارة مش عايزينها توصل لدرجة الغليان لأن الرقاق مش هايستحمل، شرّبي بقى الرقاق بالشوربة ورصي كل راقة في صينية مدهونة بالسمنة، وادهني كمان بالقشطة أو الزبدة بين كل راقة والتانية اوعي تنسي الخطوة عشان الرقاق يورّق ويقرمش.
بعد 5 رقاقات حطي اللحمة المعصجة وبعدين كملي باقي الرقاق ولما تخلصي قطّعي الرقاق مربعات أو مثلثات حسب ما تحبي، وادهني الوش بالسمنة ودخليها فرن متوسط الحرارة لمدة 20 دقيقة، وقدمي الصينية سخنة لحبابيك وهايدعوا لك.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
