نغيّر بقى شوية ونعمل أكلة أسباني هاتعجب الكل، ونبدأ بتحمير صدور الفراخ في الزيت وبعدين تقطعيها مكعبات وتخليها على جنب، وبعدها نسلق البطاطس ونقطعه شرائح مدورة ونخليه هو كمان على جنب وبكدة يبقى عندك طبقين مستنيين دورهم.
حمري البصل في الزيت وضيفي عليه الثوم، والفلفل الأخضر والأحمر ونقلب كله لمدة دقيقة تقريباً، وبعدين حطي الفلفل الأسود و مكعب المرقة والشبت والمشروم والملح.
في الخلطة اللي عملناها دي، ننزل عليها بالفراخ اللي قطعناها مكعبات ونقلب تقليبة كويسة ونهدي النار لغاية لما كل المكونات تستوي.
في صينية مفرودة إفرشي نص البطاطس المسلوقة ونزلي عليها الخلطة مع الفراخ، وعلى الوش باقي البطاطس وفوقه الكريمة ودخلي الصينية الفرن، لما تلاحظي فوران الكريمة طلعي الصينية من الفرن وضيفي على الوش الجبنة الموزاريلا ودخليها الفرن تاني لغاية لما الجبنة تسيح ولونها يحمر .. وبكدة يبقى على سفرتك طبق أسباني أصلي.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
