طبق الفراخ البيكاتا بالليمون من الأطباق اللذيذة وسهلة التحضير حتى لو كنتِ لسة بتتعلمي الطبخ ده غير إن له طعم لا يقاوم .. تعالي نجرب في خطوات بسيطة.
جيبي قطع الفراخ عشان نبدأ التتبيل، ادهني الجنبين بالفلفل والملح، وبعدين افردي كل قطع الفراخ على الدقيق وغطي الجنبين كويس زي طريقة البانيه، وارفعي الفراخ وحركي كل قطعة بهدوء في الهواء كدة عشان تتخلصي من أي دقيق زيادة.
في مقلاية كبيرة حطي معلقتين زيت الزيتون واقلي الفراخ على نار متوسطة وبعد لما تستوي انقلي الفراخ في طبق التقديم.
حضري بقى صلصة البيكاتا في نفس المقلاية، اخلطي عصير الليمون مع الزبدة وبعد دقيقة انزلي بالفراخ وخلي الصلصة تغطيها من كل جنب ورجعيها الطبق، والخطوة الأخيرة والمهمة إنك تخلي الصلصة على النار تغلي لمدة دقيقتين وبعدين صبيها فوق الفراخ وزيّني الطبق بشرائح الليمون والبقدونس وكدة نبقى خلصنا .. وبون ابتيتو
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
