نسافر بقى اليونان ونجرب وصفة خطيرة ويبقى نوع من أنواع التغيير .. قبل أي خطوة لازم البطاطس تبقى مغسولة كويس جداً، أخرميها بشوكة وحطيها في صينية في الفرن على درجة حرارة متوسطة لمدة ساعة، بعدها قسمي كل حبة بطاطس نصين متساويين، وطلعي القلب بمعلقة عشان نستخدمه في الحشو لكن المهم حافظي على سماكة كل نص بطاطس.
في نفس الصينية إدهني البطاطس من جوة بالزيت واشويها في الفرن 10 دقائق، وفي الوقت ده حضري الفراخ المفرومة وسويها في مقلاية، وحمري الثوم.
بعدها جيبي طبق اهرسي فيه قلب البطاطس واخلطيه مع الفراخ المطبوخة، والفلفل المفروم، وبودرة مرق الدجاج، والمايونيز، والزبدة، والثوم المحمر، واحشي بقى كل نص بطاطس بالحشو اللي عملناه وبعد لما تخلصي، رشي على الوش الجبنة الشيدر ورشة فلفل أسود ودخلي الصينية تاني الفرن ربع ساعة على درجة حرارة متوسطة أو لغاية لما الوش يتحمر وزينيها بالبقدونس .. يا عيني على متعة الطبخ مع “ألو شيف”.
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
