يلا بينا نبدأ بغسيل الرز كويس جداً ونسيبه في طبق فيه مية لمدة 30 دقيقة، بعدها سخني الزيت في حلة كبيرة على نار متوسطة وضيفي البصل المفروم وقلبيه، وأول ما تشوفي لون البصل بقى ذهبي ضيفي عليه الثوم المهروس وقلبيهم لمدة دقيقة، ريحة الثوم والبصل ظهروا؟ فوراً انزلي عليهم بالطماطم المفرومة وقلبيها لغاية ما تدبل.
ييجي دلوقت دور الجزر والبطاطس المقطعة عشان يدخلوا مع الخلطة وخليكي بتقلبي المكونات دي كلها لمدة 5 دقايق، بعدها ضيفي الفلفل الأخضر والفلفل الأحمر وقلبيهم مرة تانية لمدة دقيقتين، وبعدين البازلاء الخضراء وقلبي المكونات لمدة دقيقة، ولو عاوزة تضيفي زبيب مافيش مشكلة.
بعد التقليب اللي فات كله نبدأ نضيف البهارات (بهارات البرياني، الكركم، القرفة، البابريكا) والملح، وقلبي المكونات كويس عشان تختلط بالتوابل.
صفي الرز من المية وحطيه في الحلة اللي فيها المكونات وقلّبي كله مع بعض كويس جداً، لما تلاقي الرز اختلط بالكامل مع المكونات ضيفي 4 أكواب مية سخنة ومعاهم مرقة الدجاج مع تقليب بسيط وارفعي النار لغاية لما المية تغلي، وطي النار وغطي الحلة وخليها لمدة 15-20 دقيقة أو لما تلاقي الرز شرب المية تماماً.
ممكن بقى تقدمي طبق الرز البرياني بشكل جميل، يعني مثلا ممكن تزينيه بالمكسرات المحمصة والبقدونس المفروم بيبقى شهي وممتع!
وعلى فكرة .. ممكن تضيفي لحمة أو فراخ مفرومة للبرياني إذا كنتي عايزة تعملي أكلة غنية بالبروتين .. إقلي بس اللحمة أو الفراخ مع البصل والثوم قبل إضافة الخضار … مش هاتاخد منك وقت!
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
