دي ألذ مكرونة كانيلوني ممكن تتعمل فى البيت بطريقة بسيطة وسهلة، هانبدأ بعملية خلط اللبن مع الدقيق مع الملح والفلفل الأسود ونقلب المكونات دي كويس أو ممكن بمضرب كهرباء، نضيف بقى البيض للخليط ده ونقلب كويس وبعدين نصفيه بمصفاة ناعمة.
نجيب مقلاية وندهنها بالزبدة أو السمن على النار، وبمعلقة كبيرة ناخد من الخليط اللي عملنها وننزل في المقلاية ونخليه على شكل قرص زي ما بنعمل قرص الأومليت، ونقلب القرص لغاية ما نسوي الوشين ونرفعه من على النار ونكرر العملية لغاية نهاية الخليط اللي عملناه.
نيجي بقى لعمل العصاج، نحط اللحمة المفرومة في حلة أو مقلاية مناسبة ومعاها البصل المفروم والبهارات حسب الرغبة لغاية ما تتسوى تماماً.
في صينية بايركس مثلاً، نرص كل أقراص الكانيلونى وعليهم كمية قليلة من العصاج في وسط كل واحدة ونلف الأقراص على الحشوة ونعملها زي الصوابع، ونكرر العملية دي ولما نخلص ننزل فوق الصوابع دي كلها بعصير الطماطم والجبنة المبشورة، وندخل الصينية الفرن ولما الوش يتحمر تبقى خلاص استوت وتتاكل سخنة .. بس كدة!
| تعليمات: – يرجى وضع اللحوم في الفريزر، والخضروات في الثلاجة في حالة عدم تسوية أي منها في نفس اليوم حتى لا تفسد. – يجب الاهتمام بدرجة حرارة النار حسب طريقة العمل المكتوبة حتى لا تؤثر على تسوية المكونات. – البهارات والملح والمكونات الحارة الموجودة في الصندوق يمكن استخدامها حسب الرغبة أو الاستغناء عن أي منها. |
